Цы у эсперанто?

Эсперанто равзæрдис 19-æм æнусы, æрымысыди йæ Варшавæйы цæрæг цæстыты дохтыр Людвиг Заменгоф. Пайда дзы кæнынц куыд нациты 'хсæн æвзагæй. Эсперанто тынг æнцон у ахуыр кæнынæн, уый тыххæй æмæ национ æвзæгтæй хъауджыдæр у адæймагæй конд æвзаг. Хуымæтæг адæймаджы эсперантойыл сдзурынæн 3-6 мæйæ фылдæр нæ бахъæудзæн.

Эсперанто рапарахат иc фыццаг чиныгæй, кæцы мыхуыргонд æрцыд 1887-æм азы. Нæ рæстæджы эсперантойыл дзурынц 120 бæстæты цалдæр милуан адæймаджы.

Кæмæн ахсджиаг у эсперанто базонын:

• бæлцæттæн, кæцытæ дард бæстæтæм цæугæйæ бынаттон æзвзагтыл дзурынхъом не 'сты; - эсперанто-фысымты хызæй (Pasporta Servo) пайда чи кæны, уыцы бæлцæттæн;
• алыхуызон цымыдисаг митыл чи архайы, аххæм адæмæн (радиоуарзджытæ, филателисттæ æмæ иннæтæ);
• фæсарæйнаг специалисттимæ профессионалон бастдзинæдтæ кæй хъæуынц, уыдонæн;
• интернационалон форумты (Интернеты дæр) бацархайын кæй фæнды, уыдонæн;
• æмæ алы цыргъзонд адæймагæн дæр.

Эсперанто у нейтралон æмæ æндæр æвзæгты бартæ нæ халы. Кæйдæр национ æвзаг зын у ахуыр кæнынæн, эсперанто та нæ. Кæй зæгъын æй хъæуы, дунейы адæмтæн эсперантойы раз æмхуызон уавæртæ ис.

• Эсперантойыл ахсджиаг сайттæ